Á Döfinni

30.07.2010 13:42

Skógardagur skógræktarfélagsins Merkur

Skógardagur skógræktarfélagsins Merkur verður haldinn í skógarreit félagsins að Hnausafit í Meðallandi laugardaginn 7. ágúst kl. 13:30

Skoðunarferð um reitinn, grill, harmóníku-spil, skemmtum okkur saman.

Nánar auglýst síðar.

Skógræktarfélagið Mörk, Kirkjubæjarklaustri

Skrifað af Gunna

29.07.2010 13:56

íþróttamiðstöðin

Íþróttamiðstöðin mun verða opin klukkutíma lengur á laugard og

sunnudag um verslunarmannahelgina.

Opnunartími verður því 10-19 þessa 2 daga.

Skrifað af Gunna

25.07.2010 15:18

Gönguleiðir

Skrifað af Gunna

21.07.2010 10:48

Jeppaferðir frá Hótel Geirlandi

Hótel Geirland býður upp á jeppaferðir í sumar á breyttum Ford Econoline. Í boði verða m.a. hellaskoðunarferðir ásamt styttri gönguferðum. Fastar áætlunarferðir í hellaskoðun munu byrja 20. Júní og farið verður á mánudögum, miðvikudögum og föstudögum.
Einnig verður boðið uppá ferðir að Langasjó frá 1. Júlí en farið verður á þriðjudögum, fimmtudögum, laugardögum og sunnudögum. Komið verður við í Eldgjá ásamt fleiri áhugaverðum stöðum.
Hægt er að bóka í ferðirnar í síma 487 4677 487 4677 eða á netfangið geirland@centrum.is

Við á Hótel Geirlandi hlökkum til að sjá þig,

Kv,
Gísli og Erla.

Skrifað af Gunna

15.07.2010 17:18

Bænhúsið að Núpsstað

Guðsþjónusta verður um verslunarmannahelgina í bænhúsinu að Núpsstað í Skaftárhreppi sunnudaginn 1. ágúst nk. og hefst kl. 14:00.

Séra Haraldur M. Kristjánsson sóknarprestur í Vík prédikar og þjónar fyrir altari.
Brian Roger Haroldsson leikur á orgel.
Félagar úr kór Prestsbakkakirkju og Ásakórnum leiða söng.

Hestamenn eru hvattir til þess að koma ríðandi til messu. Farin verður hópreið frá Kálfafelli í Fljótshverfi og lagt af stað þaðan kl. 12.30.

Fjölmennum til guðsþjónustunnar og eigum þar notalega stund.
Séra Ingólfur Hartvigsson, sóknarprestur

Skrifað af Gunna

15.07.2010 17:14

Eldmessa

Eldmessa er stutt heimildarmynd um eldgosið í Lakagígum árið 1783-1784 og afleiðingar þess.
Myndin er 15 mínútna löng og er sýnd í Félagsheimilinu Kirkjuhvoli á fjórum tungumálum - íslenska, enska, franska og þýska.
Myndin er sýnd á opnunartíma Upplýsingamiðstöðvar Skaftárhrepps
:mánudagar - föstudagar : 09.00-13.00 og 15.00-21.00
laugardagar: 10.00-20.00
sunnudagar: 10.00-18.00

Sýnishorn úr myndinni:
http://www.eldmessa.is/eldmessa/?page_id=209

www.eldmessa.is

Skrifað af Gunna

15.07.2010 15:25

Árleg hlutavelta

Árleg hlutavelta kvenfélaganna Hvatar og kvenfélags Kirkjubæjarhrepps verður haldin á Kirkjubæjarklaustri laugardaginn 31. júlí n.k. kl:14:00.

15.07.2010 15:20

6.-8. ágúst Kammertónleikar á Kirkjubæjarklaustri

KAMMERTÓNLEIKAR Á KIRKJUBÆJARKLAUSTRI
20. hátíð

Hinir árlegu KAMMERTÓNLEIKAR Á KIRKJUBÆJARKLAUSTRI fagna í ár tuttugu ára afmæli með flutningi fyrsta flokks tónlistarmanna á fjölbreyttri kammertónlist frá miðöldum fram á okkar daga. Tónlistarmennirnir sem koma fram á tónleikunum í ár eru:

Edda Erlendsdóttir, píanó
Elfa Rún Kristinsdóttir, fiðla
Helga Þóra Björgvinsdóttir, fiðla
Þórunn Ósk Marinósdóttir, víóla
Margrét Árnadóttir, selló
Daníel Bjarnason, píanó
Francisco Javier Jáuregui, gítar
Guðrún Jóhanna Ólafsdóttir, mezzósópran og listrænn stjórnandi

Píanóleikarinn Edda Erlendsdóttir hlaut nú í ár bæði riddarakross hinnar íslensku fálkaorðu fyrir störf sín á vettvangi íslenskrar tónlistar og íslensku tónlistarverðlaunin fyrir plötu ársins, þar sem hún túlkar píanókonserta eftir Haydn, en Edda mun flytja einn konsertanna á hátíðinni í útgáfu með strengjakvartett.

Á Kammertónleikum á Kirkjubæjarklaustri er flutt kammertónlist frá ólíkum tímabilum tónlistarsögunnar fram á okkar daga, en það er aðstandendum hátíðarinnar sérstakt gleðiefni að hafa fengið tónskáldið, hljómsveitarstjórann og píanóleikarann Daníel Bjarnason til þess að semja sérstaklega nýtt verk til frumflutnings á hátíðinni. Verkið heitir Larkin Songs og er skrifað fyrir mezzósópran og píanókvintett, en Daníel mun sjálfur leika píanópartinn. Daníel hlaut íslensku tónlistarverðlaunin í ár, bæði sem höfundur ársins, fyrir tónverkin á plötunni Processions, og fyrir tónverk ársins, Bow to string.

Fiðluleikararnir Elfa Rún Kristinsdóttir og Helga Þóra Björgvinsdóttir, víóluleikarinn Þórunn Ósk Marinósdóttir og sellóleikarinn Margrét Árnadóttir eru allar í fremstu röð íslenskra strengjaleikara og hafa komið fram sem einleikarar með Sinfóníuhljómsveit Íslands og víðar. Árið 2006 hlaut Elfa Rún bæði íslensku tónlistarverðlaunin og fyrstu verðlaun í Johann Sebastian Bach tónlistarkeppninni í Leipzig. Guðrún Jóhanna Ólafsdóttir mezzósópran og listrænn stjórnandi er margverðlaunuð í alþjóðlegum söngkeppnum og hefur komið fram víðs vegar í Evrópu og sungið inn á geisladiska, en gítarleikarinn Francisco Javier Jáuregui hefur komið fram bæði sem einleikari og meðleikari í Evrópu, Bandaríkjunum og Suð-austur Asíu.

Vinsælt hefur verið að gista í nágrenni Kirkjubæjarklausturs til að njóta þar tónlistar og náttúrufegurðar undir lok sumarsins og er fólki ráðlagt að panta gistingu í tíma. Athygli fastagesta er vakin á breyttri tímasetningu tónleikanna. Það er Menningarmálanefnd Skaftárhrepps sem stendur fyrir hátíðinni en upplýsingar og miðapantanir eru í síma: 487-4620 487-4620 .

www.klaustur.is
Efnisskrá Kammertónleika á Kirkjubæjarklaustri 6. - 8. ágúst 2010
Föstudagur 6.8. kl. 20:00
Edvard Grieg: Ljóðræn smálög fyrir píanó og sex ljóð eftir Ibsen fyrir rödd og píanó, Op. 25.
Claude Debussy: Strengjakvartett, Op. 10.

Laugardagur 7.8. kl. 20:00
Agustín Castilla-Ávila: Adriano fyrir mezzósópran og gítar.
Arvo Pärt: Es sang vor langen Jahren fyrir alt, fiðlu og víólu.
Salvatore Sciarrino: Capricci fyrir einleiksfiðlu.
Mario Castelnuovo-Tedesco: Kvintett fyrir gítar og strengjakvartett, Op. 143.

Sunnudagur 8.8. kl. 15:00
Francisco Javier Jáuregui: Sephardic Songs fyrir mezzósópran og gítar.
Sergei Prokofiev: Sónata fyrir tvær fiðlur, Op. 56.
Daníel Bjarnason: Larkin Songs (FRUMFLUTNINGUR) fyrir mezzósópran og píanókvintett.
Franz Joseph Haydn: Konsertínó í f-dúr fyrir píanó.

Guðrún Jóhanna Ólafsdóttir, mezzósópran og listrænn stjórnandi. Æviágrip Guðrúnar má sjá hér.

Saga Kammertónleika á Kirkjubæjarklaustri

Kammertónleikar á Kirkjubæjarklaustri voru stofnaðir af Eddu Erlendsdóttur, píanóleikara. Fyrstu tónleikarnir voru haldnir helgina 16. - 18. ágúst árið 1991 og hafa þeir verið haldnir árlega síðan. Á annað hundrað tónlistarmanna, íslenskra sem erlendra, hafa komið fram á tónleikunum. Edda Erlendsdóttir var listrænn stjórnandi tónleikanna frá upphafi þangað til Guðrún Jóhanna Ólafsdóttir, mezzósópransöngkona, tók við árið 2006. Margir af tónleikunum í gegnum árin hafa verið teknir upp af Ríkisútvarpinu.

12.07.2010 13:21

Íþróttamiðstöðin

Íþróttamiðstöðin á Klaustri
sumaropnun 2010

Mánudagar-föstudagar 10:00-19:00

Laugardagur og sunnudagur 10:00-18:00

Gjaldskrá í sund
Börn 200.-
Fullorðnir 400.-
Öryrkjar/ellilífeyrisþegar 200.-
Sturta 300.-
Handklæði/sundföt 400.-

10 tíma kort fyrir börn 1500.-
30 tíma kort fyrir börn 3000.-
10 tíma kort fyrir fullorðna 3500.-
30 íma kort fyrir fullorðna 8000.-

Gjaldskrá í tækjasal + sund
Stakur tími 600.-
10 tíma kort 5000.-
30 tíma kort 12.000.-
Árskort fyrir fullorðna 40.000.-

Íþróttasalur (90.mín) 3000.-

Opening hours for the swimming pool

Monday-Friday 10:00-19:00
Saturday-Sunday 10:00-18:00

12.07.2010 13:13

Gönguferðir

Gönguferðir ferðamálafélags skaftárhrepps sumarið 2010

Maí:
12. Kvöldferð: Orrustuhóll í Brunahrauni
Fararstjórn: Rannveig Bjarnadóttir.
Mæting við Skaftárskála kl. 19.

Júní:
9. Kvöldferð: Blesahraun Fararstjórn: Hjalti Júlíusson Mæting við Skaftárskála kl. 19
27. Dagsferð: Utanfljótsheiðar í Skaftártungu Fararstjórn: Sigurgeir Gíslason Mæting við Hrífunes kl. 10 (Skaftárskála kl. 9:30)

Júlí:
7. Kvöldferð: Álftaversgígar (Hundastrompur, Vellustrompur o.fl.) Fararstjórn: Harpa Ósk Jóhannesdóttir og Jóhannes Gissurarson Mæting við Skálm, Álftaversafleggjara kl. 19 (Skaftárskála kl. 18:30)
25. Dagsferð: Skaftárdalur-Skál Fararstjórn: Eiríkur Jónsson og Ingibjörg Eiríksdóttir Akstur innifalinn - skráning fyrirfram; sjá neðar

Ágúst:
4. Kvöldferð: Húsheiði ofan Hörgslands á Síðu Fararstjórn: Anna Harðardóttir
Mæting við Hörgsland kl. 19 (Skaftárskála kl. 18:50)
22. Dagsferð: Botnar - Hnausar Fararstjórn: Júlíana Þóra Magnúsdóttir Akstur innifalinn - skráning fyrirfram; sjá neðar

September:
1. Kvöldferð: Með Brúnum; Hunkubakkar-Klaustur Fararstjórn: Björgvin Harðarson og Björk Ingimundardóttir
Mæting við Hunkubakka kl. 19 (Skaftárskála kl. 18:50)

Við hlökkum til að sjá ykkur og ganga saman um fjölbreytt svæðið í góðum félagsskap!
Gjald í ferðirnar er almennt kr. 500 og sameinast verður í bíla þar sem það á við. Tvær ferðir þarf að skrá sig í fyrirfram (sjá síma og netfang að neðan) og verður verð þeirra auglýst á www.klaustur.is þegar nær dregur. Allir velkomnir!

Nánari upplýsingar má fá í s. 899-8767 / netf. ferdamalafelag@gmail.com
Ferðanefndin (Ólöf Ragna, Unnur og Ingibjörg)